قارانقوش

سكوت سمفونيسي

ائل

اوبا

كؤچموش،

قالميش

سؤنموش

بير اوجاق!

اسن يئل

سووورور كولونو،

گئجه گليب

قارا گئييميني

سريب،

سوسموش اوجاق

سويوق،

اودور

اوچ قارامتيل داش،

اوندا

چالير

اسن يئل

سكوت سمفونيسي...! اهر-29/5/75

+ نوشته شده توسط داود اهری در یکشنبه نوزدهم خرداد 1387 و ساعت 15:23 |

گون باتان چاغلاري

گؤزلرينين بوشلوغوندا

بو گوندوزون سونوندا،

بير سولموش يارپاغين

سس سيزجه

اؤلوم اويونو،

پاييزين خلوت خياوانيندان

باخيرام سولغون گونشه!

- اولمايا

سون اؤپوشلريدير

يورغون گؤزلريمدن؟!

بئله دير سه

اويناييم

سون اويونومو

من ده!

دئييرم

فيكيرلي-فيكيرلي

اؤزوم اؤزومه!

اهر

شهريور 75

+ نوشته شده توسط داود اهری در یکشنبه نوزدهم خرداد 1387 و ساعت 15:22 |

نه يه

ساحيلده دايانماق

طوفانلي ده نيزه باخماق،

اوزمه مك

دالغالارين قوينونا

سيغينماماق،

ساحيلده اوزانماق

رؤيا گؤرمك،

رؤيادا

بير سورغويا

جواب وئرمك:

-نه يه بس

گلميشم

بو دونيايا من؟!

اهر

16/3/76

+ نوشته شده توسط داود اهری در یکشنبه نوزدهم خرداد 1387 و ساعت 15:21 |

ياشارا

ياشاريم!

باخ

گونش،

قارا

گؤزلرين قاماشير؟!

كيم دئميش

گلديك دونيايا،

ياشاييب،ياشاييب

اؤلمك اوچون؟!

يوخ!

ياشاريق،ياشاريق

ياشاماق اوچون،

اؤلمه ريك

اؤلمك اوچون،

اؤلدوك سه

اؤله ريك

ياشاماق اوچون!

ياشاريم!

ياراديب

ياشاديب

ياشاريق،

بو دونيا

ياراشير

ياشارلار اوچون!

اهر

6/9/75

+ نوشته شده توسط داود اهری در یکشنبه نوزدهم خرداد 1387 و ساعت 15:21 |

بلكه ده

بو گون آوتوبوسدا

ايشدن گلنده،

اوزانميش، آغ

ساچلي،ساققاللي

مودريك قوجانين

آينالي باخيشيندا،

گؤردوم اؤزومو

من باشا دوشدوم!

بيليك

ياشا دئييلميش

دئييرم ايندي!

شاشيرام اؤزومدن

ايناملاريمدان،

بلكه ده

دولماميشام من

هله ده

ياشا ايندي؟!

تهران-1/2/76

+ نوشته شده توسط داود اهری در یکشنبه نوزدهم خرداد 1387 و ساعت 15:20 |